Mujh Se Pehli Si Mohabbat Mere Mehboob Na Maang – Best Ghazal by Ahmed Faraz

Mujh Se Pehle Tujhe Jis Shakhs Ne Chaha 

 Heart Touching Ghazal by Ahmed Faraz

mujh se pahle tujhe jis shaḳhs ne chāhā us ne

shāyad ab bhī tirā ġham dil se lagā rakkhā ho

ek be-nam si ummid pe ab bhi shayad
apne khvabon ke jaziron ko saja rakkha ho

maiñ ne maanā ki vo begāna-e-paimān-e-vafā
kho chukā hai jo kisī aur kī ra.anā.ī meñ

shayad ab laut ke aae na tiri mahfil men
aur koi dukh na rulae tujhe tanhai men

main ne maana ki shab o roz ke hangamon men
vaqt har gham ko bhula deta hai rafta rafta

chāhe ummīd kī sham.eñ hoñ ki yādoñ ke charāġh
mustaqil bo.ad bujhā detā hai rafta rafta

phir bhī maazī kā ḳhayāl aatā hai gāhe-gāhe
muddateñ dard kī lau kam to nahīñ kar saktīñ

zaḳhm bhar jaa.eñ magar daaġh to rah jaatā hai
dūriyoñ se kabhī yādeñ to nahīñ mar saktīñ

ye bhi mumkin hai ki ik din vo pashiman ho kar
tere paas aae zamane se kinara kar le

tu ki maasum bhi hai zud-faramosh bhi hai
us ki paiman-shikani ko bhi gavara kar le

aur maiñ jis ne tujhe apnā masīhā samjhā
ek zaḳhm aur bhī pahle kī tarah sah jā.ūñ